estimulanDO desde 4 meses a 3 anos

Dirixido a bebés acompañados dun familiar. Utilizaremos material didáctico propio creado por Tratalenca. Os xogos, actividades e cancións están enfocadas ao desenvolvemento do bebé en todos os aspectos necesarios para optimizar calquera aprendizaxe sexa ou non musical: atención, memoria, habilidades sociais, etc. Bo humor e moitas bonitas experiencias para compartir.

Xogando coa música desde 3 a 7 anos

En diferentes grupos xogaremos para desenvolver as habilidades cognitivas e sociais á vez que traballaremos o desenvolvemento emocional e a conciencia grupal. As nosas sesións incluirán actividades para desenvolver o sentido rítmico,coordinación,a escoita e entoación a través de divertidas propostas con pequena instrumentación, percusión corporal e xogos cooperativos.

Entre Notas desde 7 a 12 anos

Agrupacións por idades. Alén dunha gran parte de material didáctico propio empregaremos fragmentos de diferentes estilos musicais para desenvolver o sentido musical en todos os seus ámbitos. De xeito ameno e moi gradualmente os alumnos irán coñecendo a linguaxe musical. Continuaremos nestas etapas co traballo corporal, emocional e social con actividades grupais que favorecerán a capacidade de axuda e a habilidade de deixarse axudar así como o respecto aos erros propios e alleos.

cantanDO desde 8 anos e adultos

Ofrecemos a opción de desfrutar co traballo en equipo dirixido a entoar acompañándonos de pequenos patróns rítmicos corporais.

PIANO desde 3 anos e adultos

Tanto nenos como adultos poden comezar sen coñecementos previos. Consulta as nosas opcións de piano en familia, con outros compañeiros ou individuais.

UKELELES e Cores desde 7 anos e adultos

Un instrumento que poderá ir sempre contigo e que aprenderás con ou sen coñecementos musicais.

MaNSePéS

Unha opción que ofrece a posibilidade de aprender diferentes instrumentos talles como tambores de lingua, piano de pés e boomwhackers entre outros. Tamén exercitaremos a percusión corporal.

Pequena percusión

Desenvolveremos a coordinación, sentido rítmico e escoita activa coa nosa pequena batería, metalonotas, triángulos, pandereitas, etc.

Outros

Linguaxe e teoría musical, clases de apoio ou preparación de accesos a conservatorios son outras opcións

REtenDO

Programa de estimulación cognitiva a través da música para madurar activamente. Consúltanos para coñecer máis sobre estas sesións.

Aprende para aprender

Cada vez somos máis conscientes da necesidade de aprender a aprender. Estudamos diversas materias sen unhas pautas concretas que nos ensinen a optimizar o noso tempo, a nosa enerxía e non caer no desánimo.

Con frecuencia empregamos horas en memorizar sen comprender, esquecemos a materia nun prazo moi breve e non sentimos a necesidade de mellorar estas rutinas.

Déixate axudar

É triste investir esforzos en algo que pronto esquecerás. Sabes que o estudaches pero… xa non está na túa cabeza nin un as túas emocións e sénteste mal lembrando os moitos momentos que dedicaches a iso.

En realidade podes conseguilo aprendendo certas estratexias e técnicas que che resultarán moi útiles en calquera materia e ao longo da túa vida.

Notarás un gran cambio e mellorarás

Descubrirás que o estudo e aprender teñen outras caras diferentes ás que coñeces. Unha cara de motivación, emoción, disciplina, orde, logros, desfrute, tempo libre, recordos que permanecen e aprendizaxes que se reciclan e transfiren.

Ti es o vehículo do teu xeito de aprender e nós ensinámosche todos os xeitos de conducilo.

Falar en público

Destinado a todas as idades. Necesario para expoñer traballos en clase, realizar exames, ofrecer charlas, etc.

Tratalenca desprázase

Trasladámonos ao teu centro escolar ou sociocultural e poderás elixir diferentes talleres en función do tempo dispoñible, idades dos participantes e as vosas necesidades.

Música para os teus eventos

Calquera evento ou cerimonia familiar, empresarial ou entre amigos pode resultar máis agradable con música. Consulta as nosas opcións.

Composición de cancións personalizadas

Queres sorprender a alguén cun agasallo diferente?

É posible cunha canción que conte unha historia, un momento especial, os recordos compartidos… Música e letra composta para unha ocasión especial. Só necesitamos charlar, que nos contes quérelo contar e nun breve prazo terás a túa canción lista para emocionar á persoa ou grupo que elixises.